BROCHURE

Dh.D.U.O.n, akkaatuma dambii ittiin bulmaataa keessa taa’ee jiruun, waggaa lamaa hanga waggaa lamaa fi walak­kaa keessatti yaa’ii dhaabbatummaa idilee isaa gaggeessaa as gaheera. Hanga ammaattis yaa’ii dhaabbatummaa idilee al-jaha gaggeessee jira.

Yaa’ii dhaabbatummaa idilee hanga yoonaatti gaggeeffa­maniinis, bu’aaleen gurguddoon galmaa’aniiru. Ciminoota hojii keessatti mul’atan caalmaatti cimsuu fi itti fufsiisuu, hanqinoota mul’atan maqsuu fi hojii waggoota itti-aananii ilaalchisee kallattiiwwanii fi murtiiwwan dhaabni keenya kaa’uufi dabarsu keessatti yaa’iiwwan dhabbatummaa idilee gahee olaanaa taphataniiru.

Murtiiwwan yaa’iiwwan dhaabbatummaa idilee dhaaba keenyaan murtaa’anii fi kallattiiwwan yaa’iiwwan kunneen kaa’aniin, naannoo fi biyya keenya keessatti milkaa’inni boonsaa ta’ee fi ummata sadarkaa sadarkaan jiru fayyad­amaa taasise galmaa’aa jira.

Wayita ammaa kanas, injifannoowwan boonsaa gaggees­summaa dhaaba keenyaan gama hundaan galmaa’aa jiran kana caalmaadhaan itti fufsiisuun murteessaadha. Amala Dh.D.U.O. tis. Bu’uuruma kanaan, ciminootaa fi hanqinoo­ta gaggeessummaa dhaaba keenyaa keessatti mul’atan adda baasuudhaan ciminoota caalmaatti gabbifannee, hanqinoo­ta maqsuu, akkasumas, kallattii itti-aanu kaa’uu keessatti yaa’ii dhaabbatummaa idilee 7ffaa dhaaba keenyaa murtees­saa fi bakka guddaa kan qabudha.

Yaa’iin dhaabbatummaa idilee 7ffaa Bitootessa 9-11/05 gag­geeffamu kunis ta’eewwan /events/ yaa’iiwwan kanaan du­raa irraa adda isa taasisan baay’ee qaba.